مجاراة
يقول سعد بن عكروز :
للمجاراه
كما عودتمونا اتحفونا من مشاعركم الجياشه
كملوه
(حظي وقف لي وارتكى لي على حيد)
....................................................
وكانت مجاراتي له مايلي :
حلم ..
حظي وقف لي وارتكى لي على حيد
لكن دعيت الله وفرج عليٍّه
وفقني الرحمن في حلوة الجيد
بدت بوجه ما بعد شفت زيّه
يا سعد لا جت كنها ليلة العيد
لا ليل واشنطن ولا ماربيّه
جتني محلي واصدقت فالمواعيد
الشكر لله كنها جت هديّه
حليلة يفرح بها القلب وتزيد
توقف معي بوجه الظروف الرديّه
عبدالرحمن جمعان
21 يوليو 2020
÷×+÷×+÷×+÷×+÷×+÷×+÷
مجاراة
لسعد بن دهم العصيمي
الكلمه اللي تجي مثل تراب الضريح
اركز عليها النصيبه واردم ترابها
ماجات من باب خير ولا فؤادً صحيح
حضورها ما يجمل كنه غيابها
#س-ع_د
للمجاراه لمن يرغب
وكانت مجاراتي له مايلي :
اللي معه ريح وسط البطن ما يستريح
ويكون هو موقد الفتنة وشبابها
يبى يطيح قروم القوم لكن يطيح
وتفوته الفرصه اللي ما طرق بابها
عبدالرحمن جمعان
3 أغسطس 2020
