مجاراة !!

 مجاراة !!

كتبهاعبدالرحمن جمعان ، 
في 9 أكتوبر 2012 الساعة: 14:58 م

كنت عضوا نشطا في منتدى العسلة ومن المتابعين المتفاعلين لما يكتبه الأعضاء

ومما أعجبني حينذاك أبيات من الشعر الشعبي عن التدخين
 لـ عبدالله بن فهد آل دخيخ

فأعجبت بها وكتبت عددا من الأبيات على طريقتها ولكن في موضوع مختلف وسأقدم

هنا الثنتين /

يقول عبدالله بن فهد :

قال الدخيخ ادوخني الداخن الدّخ

اللي مزوزه كايفات مخاشيب

عطر الثياب إلي من الفم منبّخ

اليا ركز في كمّها ضيع الطيب

حسبي على من ضخها في الصدرضخ

ساعات مايعدل مزاجه مشاريب

واذا قضى مخزونها جاه بالزّخ

جلاّبها ياكثر ماقيل له جيب

ياكثر ماتنصحه ويقول تلبّخ

يالعاقل اللي في سويّاته امخيب

لكنّ واللي جاعل الطير يكفخ

مالك جناحٍ يوم لك زفرة الذيب

والصدر ماتدري على ويش يصرخ

لاناش مايكشف بجوفه مساريب

مبطي وهو من كاتم الصوت منطّخ

ليـّاه ماصارت جروحه معاطيب

كنه موّقع من سبايبه في فـخ

ادرى كسوره من حشاش المجاليب

ياصاحبي وان اقبل الليل نوّخ

عينٍ يبان ابها رماد اللواهيب

من يوم حرمْت شوفة الزين والجخ

شافت عزاها صوب روس المراقيب

يفيّض المكنون قلبٍ تنوّخ

لاهـجّ عّنه كل منهاب ومهيب

يلقى همومه فوق برده تمرّخ

لاعادها الله كل مالوّح الشيب

ولاشفت برادي على النار يطبخ

وماينقصه غير الصخاف اللواهيب

شرّق علي وجنّب اللي يدّوخ

ويمي تعال بعلمك الزين والطيب 

فخاطبت عبد الله في ردي عليه في
 المنتدى قائلا :
يسلم يراعك يالغالي يابن الغالين وبيض الله وجهك لقد أمسكت بناصية البيان واسمح لي أن أستعير منك بحرك وقوافيك :

من يصنع الأفخاخ لو طاح في فخ

يستاهل اللي جاه راعي العذاريب

***

قدره من البارود بالنار ينطخ

ما هو كفو يحمل كبار المواجيب

***

لا شاف علم قد تعداه ينبخ

لا يبني المعنى بليا مناسيب

***

مرفوع قدر اللي بعيدا عن اللخ

والمنزل الهين لراعي الأكاذيب

***

ما يرفع الرجال لو مركبه جخ

متى مشى في درب نقالة العيب

***

يطيّح الرجال لو خانه الأخ

الحزن و أيضا الهم يلقاه والشيب

***

وأما أنت يابن دخيخ فالشعر لك نخ

الختم بيدك والقلم والمكاتيب

***

2 تعليق على “مجاراة !!”

1. صهيل الاصيل قال:

نوفمبر 3rd, 2012 at 3 نوفمبر 2012 1:44 م

طيب قصيدته منقولة ليش نسبها لنفسه (..........)
نحترم الشخص عندما يقول منقول مثلا لكن عيني عينك ؟ عموما ردك جميل

2. عبدالرحمن جمعان قال:

يناير 7th, 2013 at 7 يناير 2013 1:08 م

صهيل الأصيل أشكر مرورك وتعليقك

وأعتذر عن التأخر في الرد

يشهد الله أنه لا علم لي بأنها منقولة

ما كنت متيقنا منه في ذلك الحين أنها

أعجبتني فحاكيتها لفظا  .. عموما جمل الله حالك