سقوط الفارس 🏇

الفارس اللي تساهل في لجام الفرس

لا هو عسفها ولا هي تستدل الطريق 

كثّر لها من طعام الخيل ومن الحرس 

لكن نسي طاعة القائد وروح الفريق 

لا شافت أفراس خلق الله يجيهاهوس

وترتفع  حمحمتها  كنها في حريق !!

يزعل عليها ويرجع  يفتكر  مادرس 

من موجبات النظام وكل ماضي عريق

لكن هيهات لا كرر   يجيها  خرس ..!

وتختفي بسمة المقهور صدره يضيق 

وش يفتكر من حكايتها يا وجه الفلس 

إلا سقوطه في المضمار ليته يفيق !!
تذكر أنه لقيها في زريبة .. وأخس
شكل الأصايل ولكن طبعها ما يليق
ما فيه أصيله يزين .. عنقها بالجرس
ولا فيه أصيلة تبدل ..بالصهيل النهيق
الحل يبقى على ما قيل (قبضة عدس)
ولو تحمل من الأحمال .. ما لا يطيق
يبقى على شيمته حتى يبين الغلس
ولا يبيّن معاني كربته .. للصديق ..
أما شرى غيرها وإلا تعايش و بس
يرتاح من شرها ..أو يشعر أنه طليق

عبدالرحمن جمعان 

٦ رمضان ١٤٤١

٢٨ إبريل ٢٠٢٠